بعد أزمته الصحيه الأخيره.. تامر حسني ينصح جمهوره بالتقرب من الله
نشر الفنان تامر حسني منشور من خلال حسابه الشخصي على موقع وتواصل الاجتماعي فيسبوك بعد خروجه من الازمه الصحيه التي مر بها منذ فتره قليله وكتب تامر حسني في المنشور كلمات تعبر عن ثقته بربه وعن النعم التي يمن عليه الله بها وعلى جميع البشر.
فقال تامر حسني صباح الورد حبايبي ، سمعت تحليل عظيم أحب أنقلهلكم جايز يفيدكم بس ركزوا فيه جداااااااااااااااااً، ربنا سبحانه و تعالى بيخلقك و يديك هديه.
و تابع ٥ مليار دقة قلب مثلاً لو هتعيش ل ٧٥ سنه او ٨٠، شوف بقى تقريباً أنت ضيعت منهم ٢ مليار و نص خلاص طبعاً كلامي على المواقف اللي في إيدينا نغيرها فا تيجي بعد شوية تقول لنفسك أيه دة !!!!هل المواقف اللي عيشتها دي كانت مستاهله أضيع عليها من عمري كل الدقات دي !؟؟.
و أستكمل فا أنت او إنتي من دلوقتي قولوا لنفسكم ..هل القصة دي او الزعل ده او المشكله دي هتاخد من حياتي مثلاً ٢٠ الف دقة قلب .. هل تستاهل؟، المقصود إنك متضيعش عمرك و دقات قلبك على حاجات متستاهلش ، الدقات اللي بتروح مبترجعش تاني.
و أضاف دايماً بقول إن اللي صاحي دلوقتي و الكلام وصله او وصله بعدين يبقى فعلاً هو محتاج يسمع الكلام ده عشان يتقدم و يغير في نفسه لأن في حاجات حلوه مستنياه و ميبصش للماضي عشان محدش هيعرف يمشي لقدام و هو باصص لورا أكيد هيقع او هيمشي غلط بص قدامك ركز في ورقتك و حالك مش حال الناس مستنيك نجاح كبير روحله و متضيعش وقتك و دقات قلبك في حاجات متستاهلش.
و يذكر أن كان النجم تامر حسني، قد كشف عن حالته الصحية من خلال حسابه بموقع فيس بوك، حيث قال: “مكنتش ناوي أتكلم في أموري الشخصية، بالعكس كنت بحاول أبان عادي بس بما إن الخبر تم تداوله.. أنا بقالي فترة بعاني وعندي أزمة صحية في الكلى ومن أيام احتجت للتدخل الجراحي الفوري، وتم استئصال جزئي من الكلية.. والحمد لله على كل حال.. شكراً لكل اللي بيحاول يطمن عليا شكراً لكل اللي دعالي وبيدعيلي”.
أقرأ أيضاً
