«عبر إنستجرام».. محمد عبد المنعم يعلن عودته إلى الملاعب بعد التعافي من الرباط الصليبي

نشر منذ قليل مدافع منتخب مصر وفريق نيس الفرنسي محمد عبد المنعم، عبر حسابه الشخصي على موقع التواصل الإجتماعي «إنستجرام»، معلنًا عودته إلى تدريبات فريق نيس الجماعية مرة أخرى عقب التعافي من إصابة الرباط الصليبي.

محمد عبد المنعم يعلن عودته إلى الملاعب

جاء نص بيان محمد عبد المنعم مدافع الأهلي السابق وفريق نيس الحالي، على النحو التالي: الحمد لله دائماً وأبدا انهارده اول يوم تمرين ليا بعد فتره هي الاصعب في حياتي دخلتني في اكتئاب وتوتر من المستقبل خلتني اشوف مستقبلي بشكل مختلف عن اللي كنت بحلم بيه”.

أضاف: بس التفكير هنا طول الوقت مش هسيب حلمي واني اقدر اعدي اي مرحله صعبه حسيت بكمية الحب والتعاطف والدعم معايا لما حصلت الاصابه وده اتاثرت بي نفسيا بس في نفس الوقت خلاني احس بالمسؤلية اتجاهم كنت بشتغل وهدفي قدام عيني وان هرجع تاني واكون عند حسن ظنهم”.

تابع: ومن هنا وحسيت ان كل حاجه انا وصلتلها مكنش شطاره مني ده كانت ترتيبات ربنا ليا قربت منه اكتر حسيت بالرضا وحسيت ان ربنا بيقولي متقلقش انا جنبك ومش هسيبك ف ارتحت وهنا التفكير اتغير لما حسيت بالرضا النجاح مهم جداً بس الاهم منه هو علاقتك مع ربنا ومن اهم النعم الناس اللي بتحبك بصدق واللي وجودهم في حياتك بيخليك انسان احسن”.

أكد: “اتعلمت ان اكون حامد من غير شروط اسعي واشتغل واتعب بس في نفس الوقت احافظ علي كنوزي الحقيقية اهلي وأصحابي والقلوب اللي بتقف جنبك في كل لحظة لأن دول اللي بيفضلوا يوم ما تتعب او تمرض او حته ترحل واللي بيفضل فعلا هو الذكري والدعوة الحلوة واللحظة اللي بتبقي اثر في قلب كل واحد لأن الاستثمار الحقيقي هو الاستثمار في الذكريات بيخلي اللحظات تعيش فوق عمر الانسان”.

استطرد: “شكرا من قلبي لكل واحد افتكرني وبعت كلمه او دعا لي وجودكم حواليا بيكبر المعني ويطول عمر اللحظات الحلوة شكرا علي دعمكم”.

اختتم عبد المنعم بيانه عبر موقع التواصل الإجتماعي إنستجرام: “ممتن لكل من وقف بجانبي وساندني — الحمد لله، عدت إلى الملعب مرة أخرى، أرجو أن تذكروني في دعائكم، وأتمنى بداية جديدة رائعة”.

وكانت إصابة اللاعب محمد عبد المنعم في إبريل من العام الماضي، وذلك في مباراة الجولة 31 من بطولة الدوري الفرنسي، في المباراة التي كانت أمام فريق باريس سان جيرمان الفرنسي.

إقرأ أيضًا: