الفنانة سلوى عثمان تكشف عن أحدث أعمالها في دراما رمضان 2026.. حوار
تشارك الفنانة سلوى عثمان فى سباق دراما رمضان هذا العام بمسلسلين، وهى «أب ولاكن» و«كلهم بيحبو مودي » وكشفت سلوي عثمان عن أدوارها في المسلسلين و تحدثت عن الكواليس و ذلك في حوار خاص لموقع أصل الصوره.
حديثينا عن أنضمامك لدراما رمضان 2026؟
والله انا اشتركت السنه دي في دراما 2026 مع ياسر جلال طبعاً النجم الكبير كل الناس بتحبه مسلسل كوميدي وفي طبعاً نجمه كبيره ميرفت امين وفي ايتن عامر الجميله النجمه الحلوه وفي محسن منصور النجم الجميل وفي مصطفى ابو سريع وفي مجموعه جامده جداً من الممثلين الحلوين وكمان الممثلين الشباب الصغيرين لسه سمر محمد متولي و المسلسل جميل أوي ان شاء الله هيعجب الناس أوي حاجه خفيفه كده دمها خفيف كوميدي يعني كتغيير الواحد يعمل كوميدي السنه دي ان شاء الله.
ما هو الدور الذي تؤديه في مسلسل أب ولكن؟
انا دور ام محمد فراج وهو مسلسل اجتماعي يعني بيتكلم في قضيه الرؤيه بتاع الاب للبنت والكلام ده.
بما ان الفنانة سلوي عثمان تقوم بدور كوميدي ودور أخر درامي في رمضان 2026 أيهما تفضلي من النوعين؟
والله انا سعيده اكثر بدوري مع ياسر جلال مسلسل كوميدي لانه تغيير بالنسبه ليا لان انا بعمل كوميدي السنه دي يعني.
حديثنا عن مشاركتك مع الفنان ياسر جلال؟
ياسر جلال نجم كبير ونجم محبوب الناس كلها بتحبه وتعامله مع زمايله في اللوكيشن وجوه الكواليس بتاعه المسلسل من احسن التعامل اللي في الدنيا اولاً هو راجل نجم كبير وممثل عظيم ومع ذلك شخصيته فيها بساطه وفيها حب لكل اللي حواليه مش متعالي بالعكس بيحب كل الناس واحنا كلنا بنحبه وكلنا مبسوطين ان احنا بنشتغل معاه فانا سعيده بياسر جلال اوي اوي واتمنى انه ربنا يكرمنا في المسلسل وان شاء الله المسلسل يكسر الدنيا وباذن الله تبقى مش بس المره دي مع ياسر جلال اتمنى ذلك.
كيف تتوقعي النجاح لمسلسل الفنان احمد العوضي علي كلاي بما انك كنت شريكه في نجاح احمد العوضي في حق عرب؟
أنا كنت سعيده أن أنا كنت مع أحمد العوضي في حق عرب والحمد لله حققنا نجاح كبير واتمنى له النجاح في كل حاجه بيعملها يارب و أن شاء الله نشتغل مع بعض تاني.
الفنانه سلوى عثمان تقول ايه عن الجدل الذي يحدث في الوسط الفني بخصوص موضوع الاعلى اجراً؟
بالنسبه لموضوع أعلى اجراً يعني اكيد كل واحد عارف هو مثلا اجره الاعلى او لا، هو دلوقتي أحمد العوضي ما شاء الله أجره بقى أعلى أجر يعني و سعيد و بيعبر عن فرحته بطريقته.
كيف جاء أختيار أسم مسلسل ياسر جلال “كلهم بيحبوا مودي”؟
أنا مش عندي علم بس هو تقريباً لأن كل الستات تقريبا بيحبوا مودي فعشان كده سموه كلهم بيحبوا مودي.
هل تم الاتنهاء من تصوير المسلسل، و كيف كان يوم الفركش مع أبطال مسلسل كلهم بيحبوا مودي؟
هو لسه فاضل يوم بس مش هيبقى في مصر هيبقى في دبي فلسه المسلسل ما خلصش بس هو فاضل له يوم واحد بس وان شاء الله بقى يبق أحلى فركش في الدنيا.
و تابعت انا كمان عايزه اقول ان مها سليم منتجه جامده جداً ومن المنتجين ما بيبخلوش باي حاجه على مسلسلهم وست جميله جداً وحابه انها تخلي الناس كلها مبسوطه في اللوكيشن و صديقه واخت كمان جوه اللوكيشن بنحبها كلنا جداً استاذ أحمد شفيق كمان المخرج شخصيه جميله وطبعا ايمن سلامه ما شاء الله عليه كاتب مسلسل لذيذ مسلسل دمه خفيف أوي و أنا يعني شايفه ان انا من المحظوظين ان انا اشتغلت المسلسل ده بكل أبطاله.
أقرأ أيضاً
